~~~10 April 2009~~~

今朝, 有人唔願起身, 搞到原定o既早餐變左下午茶... 又話12點9起身, 點知訓到點半...懶到暈!!

2點零鐘, ready出門口o既時候, 有人打黎suggest去食呢個tea buffet, 咁唯有上網search啦, 搵左幾間, 都冇乜心機搵lu(呢d又係我o既特性啦..), 就打左去帝京book位... 我又遲到, 不過今次遲左好少咋, 冇被人鬧, haha~
去到o岩o岩好, 一坐低就去拎野食...好多野食呀...好興奮, 好耐冇試呢種心情啦~ 不過有人仲奇怪, 話見住我咁開心佢仲開心喎....咁都要食野架, 食左好多野呀....好飽好飽, 不過跟住食甜品, 我就有另一個胃裝晒佢地入去, 食左好多甜品呀....法式燉蛋呀, 我仲想要架....不過好快冇晒....~ 跟住, 有人開始唔俾我食喇, 話怕我飽得濟wor... 又有咁o既道理o既咩 >"<

跟住我地去左睇我地要買o既furniture, 好快咁睇完...都成6點幾喇~ 本來諗唔到去邊好, 突然有人話返去添置下d野同執屋, 咁就過左去啦~ 之後仲約埋冬冬去左club house唱k, 9點開始唱, 其實我把聲都仲沙沙地架, 但都照唱...張柏芝呀..haha!! 有人把聲都唔係好得架喇, 不過我地照唱...冇理~ 好開心....

跟住, 上左屋企抖左陣就走lu~

***今日過得好開心呀, 真係架~ 你講o既, 我有聽到, 你諗o既我係知道架...

~~~09 April 2009~~~

都已經係凌晨1點鐘lu, 都有d眼訓, 於是訓左落床. 碌黎碌去都唔係好訓得著, 個心硬係有野諗, 心掛掛咁~ 不過就冇諗過會同你傾電話, 以解我o既訓唔著.

凌晨2點鐘, o岩o岩入睡o既我被電話o既嚮聲嚮醒左, 心諗係夜訓o既朋友仔o既call. 但一睇到來電顯示, 好surprise咁睇到你o既call, 於是就接左你個call, 同你傾左好耐....好耐冇同你咁夜傾電話lu, 或者開心o既係咁夜你打俾我, 我真係好surprise~ 就這樣, 感覺又好像回來了...

哈哈...唔驚唔覺又一段日子冇o係呢度打野lu~今日唔知做咩咁突然想打下...咁就打下今日o既呢篇野.

就黎又過年喇!!諗返以前過年會專登走去行街買新衫過年,但宜家就唔使lu!!唔係因為我懶去行街,而係宜家一行街就買到好多野,都唔使專登去買,哈哈!!不過就成日俾人話我買得太多啦...(冇計啦,邊個叫shopping係女人o既天性咩~)

原來日子真係過得好快好快,好多野都o係唔經唔覺間咁過左...先係完完全全感受到咩叫時間係唔等人架,所以話呢,真係要好好把握自己o既時間.

黎緊新o既一年,我想.......我o既家人全部都健健康康,開開心心

好耐都冇update過呢度喇.除左懶之外,有時覺得有野想打,但又好碎濕濕,不知從何打起...(哈!!唔知算唔算係個藉口呢)

呢排都冇乜特別野發生,或者一切都過得好平淡.包括所有.

經過好多事,好多野都會從多角度d去諗,咁樣,自己亦會好過d.

兩個人一起為一段感情而努力,是值得記下的.

~~~2 July 2008~~~

工作上,出現左好多好多o既唔開心,mummu真係冇講錯,有人o既地方就會有d係小人...避不過. 之前唔信架,覺得對人地好d,人就對好d,原來o係呢個社會係唔一定架.
同左屋企人講,佢地都講得好o岩,或者我真係仲細,細細個都依家都算係俾人鍚俾人縱,所以遇到好少問題都會好上心同好唔開心~冇錯!遇到呢d,我真係喊到收唔到聲...不停咁喊.佢地話呢個社會就係咁現實,或者真係...其實我唔想咁樣,我想好簡單咁過每一日,呢個社會真係咁難咩?

工作上,好唔開心,真係好想有一個真係了解自己,可以o係呢個時候給予我無限關心,愛心我o既人,又會唔會都係咁難呢??